શાળા રોજમેળ એક ક્લિકમાં

શાળા રોજમેળ શા માટે

શાળાના વિવિધ હિસાબો માટે સરળ, ઝડપી અને સ્માર્ટ ડીજીટલ વ્યવસ્થા

અમે સમજીએ છીએ કે દરેક આચાર્ય એકાઉન્ટન્ટ નથી હોતા. વર્ષ દરમિયાન વિવિધ પ્રકારની ગ્રાન્ટો શાળામાં આવતી હોય છે અને આ ગ્રાન્ટો સમયાંતરે વાપરવાની હોય છે. આ તમામ ગ્રાન્ટોના વર્ષ દરમિયાન આવક જાવકના હિસાબ રાખવા, કઈ ગ્રાન્ટ ક્યારે આવી, કઈ ગ્રાન્ટ કેટલી વપરાઈ અને કેટલી બાકી છે આ બધાનો હિસાબ રાખવો સરળ નથી હોતો અને વર્ષના અંતે ઓડીટ માટે રોજમેળ અને તેને લગતા વિવિધ પત્રકો તૈયાર કરવામાં ઘણા દિવસો લાગી જતા હોય છે. આ તમામ મુશ્કેલી અને મુંઝવણોનો એકમાત્ર ઉકેલ એટલે શાળા રોજમેળ.

શાળા રોજમેળમાં તમારું એકાઉન્ટ બનાવીને એક રોજમેળ બનાવી લો પછી જયારે જયારે કોઈ ગ્રાન્ટ આવે કે પછી ખર્ચ કરો, માત્ર એક નાનકડું ફોર્મ ભરીને તમે આવક જાવકની એન્ટ્રી કરી શકો છો. તમે કોઈ પણ સમયે કઈ કઈ ગ્રાન્ટ આવી છે, કેટલી વપરાઈ છે અને કેટલી બાકી છે વગેરે માત્ર એક ક્લિકમાં ગમે તે સ્થળેથી જોઈ શકો છો અને વર્ષના અંતે માત્ર એક જ ક્લિકમાં ઓડીટ માટે જરૂરી રોજમેળ સહીત તમામ પત્રકો ડાઉનલોડ કરી શકો છો. આ પત્રકોની પ્રિન્ટ કાઢી શાળામાં સાચવી શકો છો અને ઓડીટ માટે ઉપયોગ કરી શકો છો. શાળા રોજમેળ સરકાર માન્ય ફોર્મેટમાં તૈયાર થતો હોવાથી કોઈ સમસ્યા વગર તમે ઓડીટ કરાવી શકો છો. શાળા રોજમેળના ઉપયોગથી ગ્રાન્ટ અને હિસાબને લગતા તમારા તમામ પ્રશ્નો દુર થઇ જશે.